| مختارِ دو سریٰ ہیں دلدارِ کبریا |
| عکسِ جمالِ یزداں سرکار دوسریٰ |
| کنزِ عطائے خالق سرکار سے ملے |
| دیکھیں جہانِ کن ہے مداحِ مصطفیٰ |
| بطحا فضا ہے تیری انوار سے بھری |
| پُر کیف راتیں نوری سرمست ہر صبا |
| ملتے میں طیبہ میں قدرت کے خاص رنگ |
| منظر حسین تر ہیں تابندہ ہے فضا |
| جن کے ورود سے ہیں کونین میں یہ رنگ |
| ہستی کو سانس اُن کی دہلیز سے ملا |
| اُن کے لئے ہیں سارے گردوں میں جنبشیں |
| محور حضور اس کے اُن سے ہے ابتدا |
| جانے دہر نے کب ہیں قرآن کے فیوض |
| اعجاز سے ہے جس کے دل جان کو شفا |
| محمود اُن کے در پر کامل سکون ہے |
| صبر و قرارِ جاں ہے سرکار کی عطا |
معلومات