| عشق و نفرت جو متّضا د آئے |
| دل میں یک مشت دو فساد آئے |
| کرنے آئے ہیں رند کی تبلیغ، |
| میکدے! شیخِ پاک زاد آئے |
| یہ کہا ہے جو تم نے، سچ ہے کیا؟ |
| ہم تمہیں واقعاً نہ یاد آئے؟ |
| سچ ہے پریوں کا دل مقدس ہے |
| کس طرح ہم سا بد نژاد آئے |
| لوگ دنیا سے پر مراد گئے |
| ہم ہی بے مدعا، مفاد آئے |
| شیخ مسجد میں پوچھتا تھا میاں! |
| آپ کیوں ایک سال بعد آئے |
| اب خدا سے غرض ہے کیا مجھ کو |
| جب مرے عرض بے مراد آئے |
| لوگ منزل کو پا گئے حیدر |
| اپنے حصے میں اجتہاد آئے |
معلومات