| تسکین ہوئی دل کی چہرہ بھی نکھر آیا |
| جبریلِ امیںؑ اُترا پیغامِ خدا لایا |
| وابستہ اِسی سے ہے ہر ایک خوشی اپنی |
| تیرہ رجب آئی تو دل کِھل اُٹھا مرجھایا |
| والی ہے یتیموں کا, مولا ہے فقیروں کا |
| ہے ابنِ ابو طالبؑ یہ فاطمہؑ کا جایا |
| یہ وجہِ ہدایت ہے, ذکر اِس کا عبادت ہے |
| بے دین ہوا ہے وہ, جس نے اِسے جُھٹلایا |
| یہ خندق و خیبر سے معلوم ہُوا ہم کو |
| ہے ذاتِ علیؑ تنہا اسلام کا سرمایہ |
| حیدرؑ ہے ید اللہ بھی حیدرؑ اسد اللہ بھی |
| اللہ سے حیدرؑ نے ہر ایک شَرف پایا |
| مولا علیؑ کی الفت, اللہ کی ہے نعمت |
| فرمان ہمیں حق کا سرکارؐ نے بتلایا |
| کعبے میں دراڑ آئی افلاک جُھکے شاہدؔ |
| وہ فخرِ نبیؐ یعنی, اللہ کا شیر آیا |
معلومات