| عشق تیرے نے سنوارا مجھ کو |
| درد تیرا ہے سہارا مجھ کو |
| ہے ملاقات بھی دلکش تیری |
| ہجر تیرے نے نکھارا مجھ کو |
| چند لمحے ہی تو مانگے ہونگے |
| لے گیا سارے کا سارا مجھ کو |
| مجھ میں جو لاکھ ملاوٹ تھی کبھی |
| تیری قربت نے نتھارا مجھ کو |
| زیر دشمن سے کہاں ہونا تھا |
| تیرے الفاظ نے مارا مجھ کو |
| میری امید بھی بھر آئے گر |
| پیار سے تم نے پکارا مجھ کو |
| میرے اطراف میں خوشبو تیری |
| تم سے اب کون ہے پیارا مجھ کو |
| وہ بھی کیا وقت تھا گزرا ہم میں |
| یاد ہے ساتھ ہمارا مجھ کو |
| اے ہمایوں یہ بھٹکنا تیرا |
| کاش مل جائے ستارہ مجھ کو |
| ہمایوں |
معلومات