| واہ! گلزار کی شاعری۔۔۔۔! |
| ڈاکٹر مبشر کنول |
| الگ اسلوب ہے ان کا۔۔ |
| سخن کیا خوب ہے ان کا۔۔۔!! |
| انہیں پڑھ لو کہ سن لو ،بس۔۔ |
| طبیعت مسکراتی ہے! |
| تصور جگمگاتا ہے |
| خموشی گنگناتی ہے! |
| جنوں بیدار ہوتا ہے |
| خرد تسکیں لٹاتی ہے !! |
| اجالے جاگ جاتے ہیں |
| اندھیرے خود ہی چھٹتے ہیں |
| ترنم پُر حسیں نغمے۔۔ |
| خیالوں میں سمٹتے ہیں۔۔!! |
| تکلم میں وہ نکہت ہے |
| گلی دل کی مہکتی ہے۔۔! |
| تلفظ میں وہ جادو ہے ۔ |
| سماعت رقص کرتی ہے ۔۔۔!! |
| محبت کے کہیں نغمے |
| سنورتے ہیں فضاؤں میں |
| نکھرتی لفظ کی خوشبو |
| بکھرتی ہے ہواؤں میں۔۔۔!! |
| ذہن کی سلوٹوں کو آپ ہی |
| ہموار کرتی ہے۔۔۔! |
| نہایت دل لبھاتی ہے |
| ہمیں گلزار کرتی ہے!! |
معلومات