| دامن میں ہے گماں کے کونین کا خزانہ |
| یہ خلد سے سوا تر، تیرا ہےآستانہ |
| قربان جان میری تجھ پر حبیبِ داور |
| آقا مدینہ میں اب میرا بنے ٹھکانہ |
| دارین سب تمہارے، دوراں زماں ہیں تجھ سے |
| کونین تیرے داتا، تیرا ہوا زمانہ |
| تجھ سے کریم ہادی ہے آگہی خدا کی |
| یہ امرِ قُل خدا سے ہے تجھ کو عارفانہ |
| ہو گا جو ہو چکا ہے تیری ہے زد میں سارا |
| تیری حیات ہادی ساری ہے معجزانہ |
| تیری ثنا سے روشن کونین کا ہے سینہ |
| حمدِ خدا کے ہمراہ تیرا حسیں ترانہ |
| دلبر کٹھن ہیں لگتے ہجر و فراق کے دن |
| محمود آئے دیکھے تیرا یہ آستانہ |
معلومات