| جادو ٹونا جنتر منتر |
| بان چلے نا کوئی ان پر |
| کِت رُت جاؤں کا سے کہوں میں |
| آگ لگی ہے بھیتر بھیتر |
| نَین مٹکا خوب ہوا ہے |
| آتے جاتے گلی میں دن بھر |
| بان چلاؤں میں نینن کے |
| گھاؤ لگے نا انکے دل پر |
| چال چلوں میں مت واری سی |
| راس نہ آۓ انکو کیوں کر |
| بالم مورا خوب سجیلا |
| رنگ رنگیلا چھیل چھبیلا |
| مون رہے ہےہر پل ہر دم |
| جان سکے نا من کی لیلا |
| ایسی بِپتا آن پڑی ہے |
| مشکل میں اب جان پڑی ہے |
| روگ جیا کا ہاۓ کٹھن ہے |
| میٹھی میٹھی مدُھر سی دھن ہے |
| کیسے رجھاؤں اپنے پیا کو |
| چین آ جاۓ میرے جیا کو |
| سکھیاں چھوٹیں پن گھٹ چھوٹا |
| چھوڑ دیاہے اس دنیا کو |
| او رے سجنوا مورا نگوڑے |
| دل تو میرا کاہے توڑے |
| انگ لگا ۓ مجھکو نا ہی |
| نا ہی مجھکو تنہا چھوڑے |
| آ میں تو ہے راز بتاؤں |
| پریم کی لیلا تجھے سکھاؤں |
| پانی بجھاۓ آگ کبھی تو |
| بوند توےپر جلتا دکھاؤں |
| ساجن جی اب مان بھی جاؤ |
| پریم کے پتھ کا دیپ جلا ؤ |
| ہِردَے جو تم کو د ے بیٹھے ہیں |
| پاپ نہ کوئی کر بیٹھے ہیں |
| ساجن جی نا مان رہے ہیں |
| جان کے سب انجان بنے ہیں |
| چنچل نینا بھیگ رہے ہیں |
| جھڑ جھڑ جھڑجھڑ نِیر بہے ہیں |
| کومل چنچل پھول کے جیسی |
| میں تو تھی اک نار نویلی |
| سدھ بدھ کھو کے میں بورائی |
| لاگ جیا کی بوجھ نہ پائی.... |
معلومات