| غزل |
| بنیں ہجوم سے لشکر، چلو چلیں ہم سب |
| قدم، قدم سے ملا کر، چلو چلیں ہم سب |
| فساد پھیل رہا ہے تمام خطے میں |
| جہاد فرض ہے سب پر، چلو چلیں ہم سب |
| شدید ضرب ہے لازم خبیث دشمن پر |
| بگڑ رہا ہے وہ خود سر، چلو چلیں ہم سب |
| سلام غزّہ و کشمیر کی شجاعت پر |
| عظیم صبر کے پیکر، چلو چلیں ہم سب |
| جہاد علم و ہنر سے کریں زمانے میں |
| دکھائیں علم کے جوہر، چلو چلیں ہم سب |
| نفیس قوموں میں اپنا مقام اوّل ہو |
| چنیں وہ خُلق کے گوہر، چلو چلیں ہم سب |
| بہار لائیں جو دُنیا میں امن کی یکسر |
| اگائیں ایسے صنوبر، چلو چلیں ہم سب |
| شہاب رَشکِ شجاعت ہیں یہ مرے شاہیں |
| رقیب ہو گئے ششدر، چلو چلیں ہم سب |
| شہاب احمد |
| ۱۵ مئی ۲۰۲۵ |
معلومات