| شب و روز رہتی ہے حسرت ہماری |
| محمدؐ کی چوکھٹ ہو قسمت ہماری |
| جہاں سے منور ہوئی دل کی دنیا |
| "وہ کوچہ نبیؐ کا ہے جنت ہماری" |
| لقب ہم نے خیرالامم کا ہے پایا |
| شہ مصطفیؐ سے ہے نسبت ہماری |
| دعا مانگی نبیوں نے امت پنہ کی |
| عیاں ہے فلک رتبہ عظمت ہماری |
| رہیں وقف ترویج دین مبیں پر |
| مبلغ بنایا سعادت ہماری |
| لبوں پر ہو صل علیؐ کے ترانے |
| ہمہ وقت جھلکے عقیدت ہماری |
| کہ بہبود انساں ہی مقصد ہو ناصؔر |
| یہ کہتا ہے قرآں فضیلت ہماری |
معلومات