| حق کو حق کہنے کی ہے باقی جسارت رہ گئی |
| زندگی کی زندگی میں کچھ حرارت رہ گئی |
| گو فرشتوں نے کیا تحریر سب نامہ مرا |
| خامشی سے درد سہنے کی عبارت رہ گئی |
| دشمنوں سے آج تک ٹوٹا نہیں ہے حوصلہ |
| امتحاں لینے کو باقی کیا مہارت رہ گئی |
| اس کی خاطر دُکھ اُٹھایا جس نے پائے گا جزا |
| کون کہتا ہے کوئی محنت اکارت رہ گئی |
| اس نے دیکھی جب مری کم مائگی اتنا ہوا |
| جاتے جاتے اس کی آنکھوں میں شرارت رہ گئی |
| وقت بدلے گا تُجھے عزّت سے دیکھے گا عدُو |
| اس کی نظروں میں بھی اک دو دن حقارت رہ گئی |
| آ رہا ہے وصل کا موسم ہوا رنگیں چمن |
| دیکھنے کو حسن اُس کا ہے بصارت رہ گئی |
| اب ملاقاتوں کے دن آتے ہیں تھوڑا صبر کر |
| تیرا شکوہ دور ہو گا کیوں زیارت رہ گئی |
| خوب دھو کر ہم پہن آئے ہیں تقوٰی کا لباس |
| فکر ہے کہہ دے نہ وہ دل کی طہارت رہ گئی |
| طارق اتنی بات کو لے کر بھلا بیٹھے ہو کیوں |
| پورا ہونے کو تو جنَّت کی بشارت رہ گئی |
معلومات