| غزل |
| گدگدی دل میں مرے ہونے لگی |
| شوخ تکیے سے لپٹ سونے لگی |
| وَقتِ رُخصت جوش سے بَوسے لئے |
| پھر رَگڑ کر سب نشاں دَھونے لگی |
| حُسن سے پہلو تہی ممکن نہیں |
| اِک حَسیں تصویر ہر کونے لگی |
| اَشک زخموں پر نمک پاشی کریں |
| سو ستم ڈھا کر، ستم رونے لگی |
| حُسن کی دل داریوں کا فیض ہے |
| رَوز اِک تازہ غزل ہونے لگی |
| خوب رنگیں ہے خزاں کی شام پر |
| وَسوسے دل میں عجب بَونے لگی |
| شاعری رُومان پَرور کم شہاب |
| اَب تَریسٹھ کی عمر ہونے لگی |
| شہاب احمد |
| ۱۸ اکتوبر ۲۰۲۶ |
| رمل مسدس محذوف |
| فاعِلاتن فاعِلاتن فاعِلن |
معلومات