| مدینہ نبی کا دکھا میرے مولا |
| مقدر ہیں سوئے جگا میرے مولا |
| تو آسان کر دے مدینے کے رستے |
| کروں آ کے حمد و ثنا میرے مولا |
| نہیں آساں آنا مدینے میں یا رب |
| ہو کافور ساری جفا میرے مولا |
| مدینے کے راہی رہیں خوش خدایا |
| مدد کر تو ان کی سدا میرے مولا |
| درِ مصطفیٰ ہے حسیں خاص منزل |
| مدینہ ہے دارِ شفا میرے مولا |
| کرے آنکھ بینا یہ خاکِ مدینہ |
| تجلیٰ میں دیکھوں ضیا میرے مولا |
| سخی در پہ آئے یہ محمود عاصی |
| سنیں جائے اس کی دعا میرے مولا |
معلومات