| متین، نرم یہ لہجہ دکھائی دیتا ہے |
| وفا شعار یہ شیوہ دکھائی دیتا ہے |
| شبیہ کش کی ہو کاری گری عیاں اس میں |
| "یہ آئینے میں جو چہرہ دکھائی دیتا ہے" |
| رہے فنا وہ سدا ناتواں کی خدمت میں |
| غریبوں کا جو مسیحا دکھائی دیتا ہے |
| کمند چاند ستاروں پہ ڈالی ہو جس نے |
| بلند اُس کا نصیبا دکھائی دیتا ہے |
| کبھی ہزار تھیں دشواریاں، مگر نہ ہیں اب |
| جو فرحتوں کا بسیرا دکھائی دیتا ہے |
| بے داغ جیت پہ کس کو نہ ناز ہو جائے |
| یہ کاوشوں کا نتیجہ دکھائی دیتا ہے |
| ثمر چراغ جلانے کا مل گیا ناصؔر |
| کہ تیرگی میں اجالا دکھائی دیتا ہے |
معلومات