| اے گلستانِ دل کے گل و لالہ نسترن |
| آ بھی کہ تجھ کو روتی ہے اب نرگسِ چمن |
| کیا خوش ادا کہ چھیڑ گئے یار سازِ دل |
| کیا خوش بدن کہ مہکا گئے ہیں وہ جان و تن |
| کس نازکی سے ہونے لگے ہم سے ہم کلام |
| کس بے رخی سے چھوڑ گئے ہم کو گل بدن |
| مطرب بنغمہ ، ساقی بخم ، رند مے بدست |
| شاعر بھی آۓ أہل سخن آۓ اہل فن |
| عامر ، رضا ، حذیفہ و سفیانِ خامہ کش |
| عاطف ، صبیح ، ناظم و عفانِ نغمہ زن |
| آؤ کہ مل کے بیٹھیں ذرا دیر ہم نشیں |
| پھر ڈھونڈتی ہیں شامیں وہی محفلِ سخن |
| یہ گل یہ گلستاں ، مہ و انجم کی وادیاں |
| کرتی ہیں یاد تم کو اے یارانِ انجمن |
| کس گل بدن کے پاس سے گزرے ہو آج تم |
| خوشبو بکھیرا جاتا ہے بوسیدہ پیرہن |
| پیمانہ ، جام و مینا ہو مے خوار و بادہ نوش |
| ساقی ہو مے کدہ ہو لگے آگ تن بدن |
| یوں جلنے لگے گرمیٔ رخسار سے جگر |
| یوں شعلۂ نفس سے جلے پھر لب و دہن |
| اے قیسِ دشت گرد اے فرہادِ کوہ کن |
| آجا کہ پھر پکارے تجھے دشت اور دمن |
معلومات