| یوں قتل کر رہے ہیں رسالت مآب کو |
| مرقد سے کھینچتے ہیں وہ ابنِ رباب کو |
| کس نے کہا تھا بولو محمد کو ضعف ہے |
| دم ہے اگر تو لاو تم اس کے جواب کو |
| لاشے پہ لاشہ آتا ہے خیمے میں دیکھیے |
| شامی یوں خمس دیتے ہیں ام الکتاب کو |
| دیکھو فرس سے گر گئے ہم شکلِ مصطفیٰ |
| نیزوں سے چھیدتے ہیں وہ نازک گلاب کو |
| جب قتل کر لیا وہاں ابنِ بتول کو |
| بولے جلاو خیمے اتارو حجاب کو |
| یہ لوگ پھر بھی رکھے ہیں خلدِ بریں کی آس |
| سجدے میں مار کے وہ رسالت کے باب کو |
| شفقت لکھے ہے نوحہ جو مولا حسین کا |
| سمجھے گا کوئی کیسے یہ اس کے ثواب کو |
| رائے شفقت عباس چن |
معلومات