| ہے جوانوں کے لئے بس کہ یہی دورِ شباب |
| آ کے گردش میں محبت کا یہ کرتے ہیں طواف |
| آگہی جب بھی ہوئی دین و شریعت سے انہیں |
| آرزوؤں کا امیدوں کا یہ بن بیٹھے مطاف |
| جب بھی ہوتا ہے جنوں مست ، دلِ مومن میں |
| توڑ آتے ہیں زمانے کے ھبل ، لات و مناف |
| بزمِ عالم میں مسلماں کی جہابانی ہو |
| ہے یہی دین و سیاست کے لئے عہدِ زفاف |
| سنگریزوں کی تدابیر ابھی ناقص ہیں |
| ان کے چٹانی عزائم میں نہ آئے گا شگاف |
| عزمِ صدیقؓ رگ و پے میں لیے نکلیں گے |
| دہر میں تارکِ آئینِ محمدؐ کے خلاف |
| رات ہو دن ہو کہ شاہؔی کی طرح لطفِ فراغ |
| چھوڑ کر ہم بھی سیاست کا جلائیں گے چراغ |
معلومات