| جن کو تھا عشق میں یہاں آزار مر گئے |
| جتنے ہمارے ساتھ تھے بیمار مر گئے |
| کیوں کر ہمارے حال کی اس کو خبر ملے |
| سر کو پٹک کے ہم پسِ دیوار مر گئے |
| سوقِ وفا سجا ہے کوئی پوچھتا نہیں |
| کیا دل کے سب یہاں پہ خریدار مر گئے |
| مجنوں مرا ہے دشت میں فرہاد کوہ میں |
| لطفِ حیات جن سے تھا وہ یار مر گئے |
| گر زندگی یہاں پہ اسیری کا نام ہے |
| وہ لوگ جی گئے جو گرفتار مر گئے |
| میسر مجھے کسی کا بھی شانہ نہیں رہا |
| جتنے بھی تھے سبھی مرے غم خوار مر گئے |
| حسانؔ کالی زلف کو چہرے پہ دیکھ کر |
| ہم ایک مرتبہ نہیں سو بار مر گئے |
معلومات