| غزل |
| زندگی جو ادھار دیتا ہے |
| خود ہی دل کو قرار دیتا ہے |
| ترک کر دو اگر گِلے شکوے |
| زندگی وہ سنوار دیتا ہے |
| رات تاریک ہے بھلی لگتی |
| جب وہ خوابوں میں پیار دیتا ہے |
| چاندنی رات میں خیالوں کا |
| اک تماشا بہار دیتا ہے |
| بُجھ گئی شمع پر ہَوا کا لمس |
| سچ کہوں غم کو مار دیتا ہے |
| بے خودی میں بھی ایک لمحۂ وصل |
| یاد بن کر خمار دیتا ہے |
| بے سبب مسکراتا رہتا ہوں |
| کوئی یوں ہی پُکار دیتا ہے |
| اک مسافر ہوں منزلوں کا میں |
| کیوں یہ ماضی غبار دیتا ہے |
| دوریوں کے حصار میں طارِقؔ |
| کون نظریں اتار دیتا ہے |
معلومات