| ہر صحابی آئنہ ہے سیّدِ ابرارؐ کا |
| سب میں ہے جلوہ نمایاں آپؐ کے کردار کا |
| ڈنک مارا سانپ نے پر پاؤں کو جنبش نہ دی |
| عشق تھا معراج پر صدیقؓ یارِ غارؓ کا |
| خوف سے رستہ بدل لیتا تھا شیطانِ لعیں |
| رعب ایسا تھا عمرؓ فاروق کے کردار کا |
| ارضِ خیبر کانپ اٹھی تھی علیؓ کے خوف سے |
| آج بھی ہے دبدبہ اس حیدری تلوار کا |
| دہشتِ خالدؓ سے لرزاں تھے شہِ فارس و روم |
| آپؓ نے سر کاٹ ڈالا ہر چھپے غدار کا |
| میں کہاں اور رتبۂ اصحابِ پیغمبرؐ کہاں |
| میں تو اک ادنیٰ ہوں نوکر آپؐ کے ہر یار کا |
| دین کی بنیاد میں شامل ہے ان کا خوں تقیؔ |
| ہر صحابیؓ ہے محافظ دین کی دیوار کا |
معلومات