| خیال آتا ہے دل میں جھٹک رہا ہوں میں |
| سمجھ رہا ہے عدُو یہ بھٹک رہا ہوں میں |
| بیان سچ ہی تو کرنا ہے نظم کر کے مجھے |
| تو شعر کہتے ہوئے کیوں اٹک رہا ہوں میں |
| وہ بھولتا ہے مجھے اور نہ یاد کرتا ہے |
| کہ ڈانواں ڈول کہیں پر لٹک رہا ہوں میں |
| کہ سچ کو جھوٹ سے کر کے الگ سمجھ آئے |
| جو بات کی ہے کسی نے پھٹک رہا ہوں میں |
| ہے اعتراض کِسے گُل کے مسکرانے پر |
| پتہ چلا ہے کسی کو چٹک رہا ہوں میں |
| میں جانتا ہوں یہ طارق کہ کون جلتا ہے |
| چمن میں کس کی نگہ میں کھٹک رہا ہوں میں |
معلومات