| گناہوں پہ دل اب پشیمان ہے بس |
| خدایا ترا ہی یہ احسان ہے بس |
| زمانہ مخالف ہوا ہے تو کیا غم |
| بہت ہے اگر ساتھ رحمان ہے بس |
| ترا آسرا مجھ کو کافی ہے مولا |
| عدو اس حقیقت سے انجان ہے بس |
| جہاں میں ہے اب نفسا نفسی کا عالم |
| سکوں تیری جانب سے وردان ہے بس |
| دعا ہے کہ انجام حق پر ہو میرا |
| اسی فکر میں دل پریشان ہے بس |
| میں بھٹکا نہیں ہوں کبھی سیدھی رہ سے |
| مرا راہبر تیرا قرآن ہے بس |
| بھروسہ نہیں مجھ کو اپنے عمل پر |
| کرم پر ترے، میرا ایمان ہے بس |
| گنہ گار کو اپنی بخشش عطا کر |
| ترے واسطے تو یہ آسان ہے بس |
معلومات