| عطرِ حبیب سے ہے نکہت بھری فضا |
| خوشبو لئے جو آئی بطحا سے یہ ہوا |
| بابِ نبی ہے منبع فیضِ کثیر کا |
| گنجِ عطا سدا ہے جس جا کھلا ہوا |
| ذاتِ بزرگ و بالا بعد از خدا نبی |
| جن سے عیاں دہر پر ہے رمزِ لا الہ |
| تسلیمِ حکمِ حق ہے طاعت رسول کی |
| جو با وفا ہے اُن سے وہ کامراں ہوا |
| الطافِ مصطفیٰ کے ممنون ہیں جہاں |
| داتا نہیں ہے اُن سا پیدا کیا گیا |
| خیراتِ مصطفیٰ سے نوری ہیں شادماں |
| جبریل کی ہے ثروت دربارِ دلربا |
| تھے ظلمتوں نے گھیرے کونین تا کراں |
| روشن کرے جہاں جو ہے نورِ الضحی |
| لولاک سہرہ سر پر خیر الوریٰ نبی |
| حسنِ دیارِ ہستی جن کی بنی عطا |
| کیا عام مصطفیٰ نے فیضِ رحیم کو |
| کونین کو ہے اُن سے حصہ سوا ملا |
| احسان کبریا کا محمود یوں ہوا |
| قاسم ہیں نعمتوں کے سرکارِ دوسریٰ |
معلومات