| سجنا سنورنا چھوڑ دیا جائے |
| غم کا لبادہ اوڑھ لیا جائے |
| وہ تو ہے ڈھلتا ہوا سورج |
| اس کو کیسے موڑ لیا جائے |
| وہ ہے بچھڑنے والا اب پھر |
| اپنا ہی رخ موڑ لیا جائے |
| پی چکے ہیں ہم اس میں پانی |
| اب یہ پیالہ توڑ دیا جائے |
| تیرا پیکر بن جائے گا |
| خوابوں کو گر جوڑ دیا جائے |
| دکھتے ہیں ہم اس میں بد رو |
| اس آئینے کو توڑ دیا جائے |
| ہر موتی میں تیری چمک ہو |
| آنکھوں کو جو نچوڑ لیا جائے |
| ہو سکتا ہے ہم ہی برے ہوں |
| خود پر ماہی غور کیا جائے |
معلومات