| آپ آلِ نبی آپ ابنِ علی، خواجہ ہند الولی خواجہ ہند الولی |
| ثانی تیرا کوئی ہے نا ہوگا کبھی، خواجہ ہند الولی خواجہ ہند الولی |
| مصطفیٰ جانِ رحمت کا مظہر ہے تو، پنج تن پاک کا ماہء انور ہے تو |
| حق ہے کہنا تجھے تو ہے پنجِ تنی، خواجہ ہند الولی خواجہ ہند الولی |
| فاطمہ پاک کا تو ہے لختِ جگر، اور حسنین کا لاڈلا تو پسر |
| نور ہے ذات میں تیری نورِ علی، خواجہ ہند الولی خواجہ ہند الولی |
| تو بنایا گیا ہے کرم کے لئے، تجھ کو بھیجا گیا ہے کرم کے لئے |
| بس کرم ہی کرم شان ہے بس تیری، خواجہ ہند الولی خواجہ ہند الولی |
| دے کے تعلیمِ حق، حق سے آگاہ کر، نورِ علمِ لدُنّی سے سینے کو بھر |
| صدقہ عثمانِ ہاروں کا دے دے ابھی، خواجہ ہند الولی خواجہ ہند الولی |
| سخت مشکل ہے مشکل کُشائی کو آ، قید سے غم کی دینے رِہائی کو آ |
| سخت دشوار راہوں کی تو روشنی، خواجہ ہند الولی خواجہ ہند الولی |
| حق سے حاصل عطا کی اجازت تجھے، حق کی حاصل سدا ہے حمایت تجھے |
| خاکِ نعلینِ مرشد بنے یہ ذکی، خواجہ ہند الولی خواجہ ہند الولی |
معلومات