| ایسے کیسے وفا کرے کوئی |
| اور کتنی دعا کرے کوئی |
| رت جگے میں فقط اداسی ہے |
| مجھ کو اس سے رہا کرے کوئی |
| آج وحشت غزل پہ مبنی ہے |
| اِس کو کیسے لکھا کرے کوئی |
| بارِ الفت گداز لمحوں میں |
| یارِ فرقت ملا کرے کوئی |
| مجھ کو اپنی کہا کرے کوئی |
| مجھ سے میری سنا کرے کوئی |
| مجھ کو مجھ سا کوئی نہیں ملتا |
| "میرے دکھ کی دوا کرے کوئی" |
| ہوں مقلّد تو میں بھی غالب کا |
| مجھ کو غالب پڑھا کرے کوئی |
| رو بہ رو اُس سے بات کیا ہوتی |
| سامنے اُس کے کیا کرے کوئی |
| شعر سے ہر سخن ہوا بسمل |
| ایسی ترچھی نگاہ کرے کوئی |
معلومات