| دل جو بیمار ہے شاعری کیجیے |
| غم سے دوچار ہے شاعری کیجیے |
| راستہ چاہے ہموار ہے یا صنم |
| راہ دشوار ہے شاعری کیجیے |
| غم کی واحد دوا دل جلے عاشقوں |
| بے وفا یار ہے شاعری کیجیے |
| مہکی مہکی ہے خوشیوں سے گر زندگی |
| من جو سرشار ہے شاعری کیجیے |
| لفظ بن کر تبسم بکھر جائیگا |
| بزم اغیار ہے شاعری کیجیے |
| چاہتے ہو اگر بولے سارا جہاں |
| تو تو فنکار ہے شاعری کیجیے |
| کہتے کہتے ہی طیب نکھر جاؤگے |
| خوف بے کار ہے شاعری کیجیے |
معلومات