| دشت کو لالہ زار تو کرتے |
| زلف کو سایہ دار تو کرتے |
| ہوتے ہم بھی اسیرِ زلفِ ستم |
| کوئی جال اختیار تو کرتے |
| تم تو بیٹھے تھے آس میں جاناں |
| ہم پہ بھی اعتبار تو کرتے |
| درد اٹھتا جو یادِ جاناں میں |
| جان بھی بیقرار تو کرتے |
| ہم بھی مٹتے تمہاری آنکھوں پر |
| تھوڑے نظروں کے وار تو کرتے |
| عشق میں ہم تباہ ہو گئے ہیں |
| تم دعا کا حصار تو کرتے |
| کتنے پیاسے تھے ہجر کے مارے |
| تم بھی کچھ پل نثار تو کرتے |
| زندگی ہار دی ہے الفت میں |
| آنکھ کو اشکبار تو کرتے |
| دل کی بستی اجاڑ دی تم نے |
| کچھ دن اس کو بہار تو کرتے |
| قتل ہونا تھا جن کے ہاتھوں سے |
| ہم کو کچھ گنہگار تو کرتے |
| تم ہی منصف ہو عشق میں اختر |
| خون دل کا شمار تو کرتے |
معلومات