| وہ وفائیں مری آزماتے رہے |
| ہم بھی دانستہ ہر زخم کھاتے رہے |
| مَیں ادھر قصۂ غم سناتا رہا |
| وہ اُدھر زیرِ لب مسکراتے رہے |
| ہم تو اپنی وفاؤں پہ نازاں رہے |
| وہ بھی اپنی جفائیں نبھاتے رہے |
| جب جواباً کوئی بات نہ بن سکی |
| تو بنا کچھ کہے گنگناتے رہے |
| تازہ زخموں کا ان سے گلہ کیا کریں |
| وہ پرانے پہ بھی حظ اُٹھاتے رہے |
| غیروں سے دوستی مجھ سے بھی پیار ہے |
| ہر دو اطراف پر ان کے ناتے رہے |
| کوئی ثانی محمّد رفیع کا نہیں |
| ان گنت آچُکے آ کے جاتے رہے |
| ناخدا کے بنا واللہ ساحل نہیں |
| گرچہ سارے ہی چپّو چلاتے رہے |
| جو چلا ہی گیا پھر نہیں آئے گا |
| سارے روتے رہے بلبلاتے رہے |
| کیا عجب حادثہ ہے مرے دوستو |
| نچلے طبقے کو سارے دباتے رہے |
| بھاری پتھّر تھا خواجہ نہیں اُٹھ سکا |
| سب اٹھاتے اٹھا کے گراتے رہے |
معلومات