لب پر جو نام آیا آقا کریم کا |
احسان ہے گراں یہ ربِ رحیم کا |
آئے نبی جہاں میں مانند لعلِ ناب |
رتبہ کجا ہے ان میں درِ یتیم کا |
میرا خیال بھی ہے بطحا کی سیر ہیں |
شاید پیام لایا جھونکا نسیم کا |
اپنی نظر میں کوئی منظر کہاں جچے |
یہ منتظر ہے ہمدم خلقِ عظیم کا |
کوئی سخی کے درجے کیسے بیاں کرے |
مہمان ہے وہ یکتا مولا کریم کا |
قیدِ زماں مکاں کے قیدی نہیں ہیں وہ |
رتبہ نہاں خرد سے ہے شانِ میم کا |
محمود درجہ ان کا اعلیٰ خدا کے بعد |
ایقان بھی ہے گہنہ عقلِ سلیم کا |
معلومات