| آ بھی جا تیرا بیمار اچھا نہیں |
| جانے کو جیسے تیار اچھا نہیں |
| دار کی خشک ٹہنی پہ دل ہے مرا |
| پوچھتے حال بھی یار اچھا نہیں |
| تو محبت ہی کیا اک مرا مان ہے |
| سر بناں کوئی دستار اچھا نہیں |
| اب بچھڑ جاؤں گا یا بکھر جاؤں گا |
| منتظر اتنا ناچار اچھا نہیں |
| جیسے اچھا نہیں مجھ کو تیرے بناں |
| ایسے تجھ کو کوئی پیار اچھا نہیں |
| یوں محبت محبت کا خالی درس |
| سرد مہری کا اظہار اچھا نہیں |
| اس سے اَرْشَدؔ مراتب کی تذلیل ہے |
| جھوٹا وعدہ لگا تار اچھا نہیں |
| مرزاخان اَرْشَدؔ شمس آبادی |
معلومات