| آ بیٹھ چارہ گَر تجھے قصہ سنائیں ہم |
| کسطرح زندگی نے دیے دکھ بتائیں ہم |
| سارے رفیق درد کی آندھی میں کھو گئے |
| کس کو صدا لگائیں اور کس کو بلائیں ہم |
| کرنا ہے پھر طواف ہمیں اس خیال کا |
| پہلو میں آپ بیٹھیں اور روتے ہی جائیں ہم |
| آؤ نا میرے شہر کی گلیوں میں دلرُبا |
| ہر جا تمہاری راہ میں پلکیں بچھائیں ہم |
| چرچا ہو اپنے پیار کا عالم میں تا ابد |
| ایسے صلیبِ ہجر پہ تَن کو چڑھائیں ہم |
| کام آسکے نہ تیرے تو اُس رب سے مانگ کے |
| سرَ لیں گے تیرے نام کی ساری بُلائیں ہم |
| جس دلنشیں کی یاد میں روتے ہیں زار زار |
| گر حال وہ نہ پوچھے تُو کیسے بتائیں ہم |
| سورج کی اک کرن بھی تجھے چھو نا پائے گی |
| اس اہتمامِ سایہ کو بادل بُلائیں ہم |
| کل رات میکشوں سے میرا مشورہ بنا |
| تیرے قدم کی خاک سے ساغر بنائیں ہم |
| ہم جیسے دلبَروں کی زمانے سے نا بنی |
| اے عَندَلیب آ کہ تُجھے دُکھ سنائیں ہم |
| یاسر کے بس کا روگ نہیں ہو نا پائے گا |
| چلتی ہو سانس اور تجھے بھول جائیں ہم |
معلومات