.jpg)
| تِرے عِشق سے مِلی ہے، مُجھے خُود کی آشنائی |
| رَہے عاشقی سلامت، رَہے تیری پیشوائی |
| تِرا عشق ہے حقیقی، تَرا جام کربَلائی |
| مِرے خواجہ تیری نِسبت، رہِ عشقِ مصطفائی |
| تِرا آستاں ہے روشن ، تِرے عِشق کا مُنارا |
| کی جَبین سائی جس نے، مِلی اُس کو روشنائی |
| نہ مِلا سکون مُجھ کو، نہ کہیں قَرار پایا |
| تِرے آستاں پہ آکے، مِری رُوح مُسکرائی |
| مِری زندگی کا مقصد، تِرا ذکرِ جاوِدانی |
| مِری بندگی کا حاِصل، تیری غزل سَرائی |
| ہے اَزل سے میرا ناتا، تِری ذاتِ با وَفا سے |
| رَہے تا اَبد خُدارا، تِری یُوں ہی ہم نَوائی |
| تِری دِید نے سُجھائی، یہی ہم کو رَمزِ کثرت |
| ہے کہاں کِسی نَظر کو، تابِ دیدِ کِبریائی |
معلومات