.jpg)
| مُجھ پہ اُن کا کَرم ہو رہا ہے |
| دل اَسیرِ صَنم ہو رہا ہے |
| خُود بُلا کے دِکھاتے ہیں جَلوے |
| یہ کَرم دَم بَدم ہو رہا ہے |
| یہ کرامت ہے اُن کے قَدم کی |
| راستے کا بَھرم ہو رہا ہے |
| جب سے رکھی ہے دل میں وہ مُورت |
| دَیر بھی اب حَرم ہو رہا ہے |
| اُن کے عالی تَصوّر کے صَدقے |
| نَفس میرا عَدم ہو رہا ہے |
| ذِکر سانسوں پہ جاری ہے اُن کا |
| نام اُن کا مَنم ہو رہا ہے |
| اُن کے شوقِ تَماشا کی خاطر |
| سَر یہ میرا قَلم ہو رہا ہے |
| خُوش نصیبی سے میری جَبیں پر |
| نام اُن کا رَقَم ہو رہا ہے |
| خُود کو ڈھونڈوں تو پاتا ہوں اُن کو |
| یُوں خُدا کی قَسم ہو رہا ہے |
| مِٹ کے یادِ صَنم میں یہ حادِث |
| رَفتہ رَفتہ قِدم ہو رہا ہے |
| جَلوہ پانے کو میرے صَنم کا |
| اِجتَماعِ اُمَم ہو رہا ہے |
معلومات