| مسکرائے جب سرکار اللہ اللہ کیا کہنا |
| ہرسو چھا گئے انوار اللہ اللہ کیا کہنا |
| اُن کے دم سے ہے مہکار اللہ اللہ کیا کہنا |
| وہ ہیں رونقِ گلزار اللہ اللہ کیا کہنا |
| میٹھی میٹھی ہے گفتار اللہ اللہ کیا کہنا |
| نوری نوری ہیں رخسار اللہ اللہ کیا کہنا |
| اس پہ برسے ہیں انوار اللہ اللہ کیا کہنا |
| تیرا جو ہوا سرکار اللہ اللہ کیا کہنا |
| حق کی جب چلی تلوار اللہ اللہ کیا کہنا |
| ظلم ہو گیا فیِ النّار اللہ اللہ کیا کہنا |
| جس پہ قرباں ہے سنسار اللہ اللہ کیا کہنا |
| وہ ادائے یارِ غار اللہ اللہ کیا کہنا |
| بیٹھے تھے جہاں سرکار اللہ اللہ کیا کہنا |
| وہ حجاز کے کہسار اللہ اللہ کیا کہنا |
| وہ مہاجر و انصار اللہ اللہ کیا کہنا |
| اُن کا جذبئہِ ایثار اللہ اللہ کیا کہنا |
| تیرے عشق کا بیمار اللہ اللہ کیا کہنا |
| ہے زمانے کا سردار اللہ اللہ کیا کہنا |
| تیری شان کا سرکار اللہ اللہ کیا کہنا |
| رب نے خود کیا اظہار اللہ اللہ کیا کہنا |
| ہو سلیمؔ کو ہر بار اللہ اللہ کیا کہنا |
| ان کے روضہ کا دیدار اللہ اللہ کیا کہنا |
| اُن کے ذکر سے ہر بار اللہ اللہ کیا کہنا |
| ہو سلیمؔ! دل سرشار اللہ اللہ کیا کہنا۔ |
معلومات