| دل کی دھڑکن سے واقف ہے میرا خدا |
| جانتا ہے سبھی کچھ جو تُو نے کیا |
| دھڑکنیں کانپتی بھی تو سنتا ہے وہ |
| میرے زخموں کی آہوں کو سنتا ہے وہ |
| وہ جو چاہے تو کر دے فنا یہ زمیں |
| کوئی شے اس کی قدرت سے باہر نہیں |
| تم کو شاید خدا کا نہیں خوف اب |
| آئے گی جب سمجھ، کھو چکے ہو گے سب |
| میرے دل کو جو زخمی کیا ہے تو کیا |
| اپنا دامن گناہوں سے تم نے بھرا |
| خوف کھاؤ کہ اک دن ہے انصاف کا |
| اتنے زخموں کی کتنی ملے گی سزا |
| بچنے کا راستہ ہے کہ توبہ کرو |
| اور محبت کرو، نفرتوں سے بچو |
| ورنہ انجام ہے نفرتوں کا بُرا |
| دل جلانے کی ہے دل جلانا سزا |
| اس لیے جان لو، بات یہ مان لو |
| نفرتوں سے بچو اور محبت کرو |
معلومات