| دل بہ دل اک ملال تھا لب بہ لب اک سوال تھا |
| یار ہمارے درمیاں رشتہ ہی بے مثال تھا |
| سوچو تو جس خرابے میں جینا بھی کچھ محال تھا |
| مجھ کو ترا خیال تھا تجھ کو مرا خیال تھا |
| گزرے دنوں کا کیا کہیں کیا عجب اک زمانا تھا |
| لوگ بھی با کمال تھے عشق بھی با کمال تھا |
| کیا کہوں تیرے عشق میں کیسا جنون طاری تھا |
| تیری جدائی بھی صنم مجھ کو ترا وصال تھا |
| کیسے قدم اٹھاتے ہم کوچئہ یار کی طرف |
| پاؤں بھی کچھ نڈھال تھے حوصلہ بھی نڈھال تھا |
| اس جہاں اس خرابے میں اجنبی قید خانے میں |
| مرنا کوئی ہنر نہیں جینا مگر کمال تھا |
معلومات