| ہے طوفانِ ہوس برپا ہماری زندگانی میں |
| خدا رکھے ہمارے قلب پاکیزہ جوانی میں |
| نقابیں ڈال لینے سے فقط ہوتا نہیں پردہ |
| نگاہِ مہ جبیں بھی ڈالتی ہے بدگمانی میں |
| ہمیں الفت نے دنیا کی نکما کر دیا آخر |
| بلا مقصد بہے جاتے ہیں بحرِ زندگانی میں |
| نہ مطلب قوم و ملت سے نہ فکرِ عقبیٰ ہے باقی |
| اسیرِ خوابِ غفلت ہم ہوئے وہ بھی جوانی میں |
| بزرگوں سے عداوت اور ہے یارانہ باطل سے |
| ہوئے زائل ہوائے نفس کی ہم حکمرانی میں |
| سکونِ قلب ہے ذکرِ خدائے پاک میں احسنؔ |
| کسے حاصل سکونِ دل ہے اس دنیائے فانی میں |
معلومات