عجب طرز سے میں بتایا گیا ہوں |
نہیں تھا میں جیسا دکھایا گیا ہوں |
جہاں آگ میں نے بجھائی وہیں پر |
بنا جرم ہی میں جلایا گیا ہوں |
وفاؤں کا بدلہ ہے الٹا یہاں پر |
وفاؤں کے بدلے ستایا گیا ہوں |
جہاں چوٹ تھی اس نے مارا وہیں پر |
بڑے زور سے میں دکھایا گیا ہوں |
کبھی ہاتھ تھاما جو کمزور کا تو |
بہت زور سے میں گرایا گیا ہوں |
مصیبت میں جب بھی پکارا کسی کو |
نئی اک مصیبت میں پایا گیا ہوں |
کوئی جرم میں نے کیا بھی نہیں ہے |
عدالت میں پھر بھی بلایا گیا ہوں |
GMKHAN |
معلومات