| راہِ مصیبتاں میں اچکتے چلے چلو |
| منزل کی ہے تلاش تو چلتے چلے چلو |
| سازش یہ کر رہی ہے فضا لوٹ جائیں ہم |
| اے کاروانِ مستوں ابھرتے چلے چلو |
| پاؤ گے ہوش بے خودی کے درمیاں میں تم |
| پیو یہ جامِ عاشقی مرتے چلے چلو |
| صحرا کو یہ پیام دو وہ خود کو تھام لے |
| دریاؤں کی قسم ہے امڈتے چلے چلو |
| درپیش فکرو آ گہی کی روشنی ملے |
| اے فکرِ کم نگہ چلو بڑھتے چلے چلو |
| ثابت کرو یہ حوصلے شمشیر کی طرح |
| تم خنجرِ طلب پہ خوں بھرتے چلے چلو |
| بے جان ظلمتوں کے سبھی پتلے توڑ دو |
| ظالم کی ہر صدا سے مکرتے چلے چلو |
| تم فکرِ حیدری ہو حسینی شعور ہو |
| تم نسبتِ نبی سے گرجتے چلے چلو |
| ساگر بجھے چراغ پہ تحریرِ روشنی |
| اپنے قلم کی دھار سے کرتے چلے چلو |
معلومات