| منور جہاں ہیں زمان و مکاں |
| مدینہ ہے وہ جا تلے آسماں |
| فروزاں مدینہ دہر میں ہوا |
| مدینہ نبی سے ہے دار الاماں |
| ہیں مقصودِ ہستی حبیبِ خدا |
| مدینہ ہے جن سے گراں ضو فشاں |
| ہیں دلدارِ قدرت نبی مصطفیٰ |
| ورودِ نبی سے سجے ہیں جہاں |
| حبیبِ خدا ہیں سخی دلربا |
| نبی شانِ قدرت کے عمدہ نشاں |
| منور ہے جن سے جہاں کا وجود |
| ہے اُن سے یہ گردوں میں گردش رواں |
| تجلیٰ جو دیکھی جبل طور نے |
| مدینہ سدا دیکھے اس کو عیاں |
| ملی مصطفیٰ کو جو روشن کتاب |
| کرے وہ نبی کی ثنا کو بیاں |
| ہیں محمود جانِ جہاں روشنی |
| ضمیرِ دہر جو کرے ضوفشاں |
معلومات