| آتی ہے بس مدینہ سے خوشبو طہور کی |
| عنبر کی زعفران کی عود و بخور کی |
| برسات رحمتوں کی چلی ہے غفور کی |
| چادر تنی ہے گنبد خضری پہ نور کی" |
| ہر رسم مشرکانہ فنا ہو گئی یہاں |
| عالم میں خیر ہر سو ہے چھائی ظہور کی |
| عزی، ہبل یہ لات بھی نکلے ہیں کعبہ سے |
| بعثت سے ناک کٹ گئی کفر و غرور کی |
| بدکاری کو مٹایا سلیقے سے آپ ؐ نے |
| کاٹی ہے ڈور سارے ہی فسق و فجور کی |
| رقص و سماع ختم ہوا، جشن و عیش بھی |
| محفل پہ اوس پڑ گئی کیف و سرور کی |
| رحمت بنایا رب ﷻ نے ہے ناصؔر حبیب ؐ کو |
| منشائے ایزدی سے ہے آمد حضور ؐ کی |
معلومات