| گداز تکیہ تمہاری بانہیں نشیلی آنکھیں لسانِ قدرت |
| خطوط شب کے لٹیں ہیں تیری بدن کی خوشبو زبانِ قدرت |
| قدم اٹھانا غضب قیامت، کمر کا حلقہ مقامِ حیرت |
| صراحی گردن سوالِ رفعت وجود رقصاں اڑانِ قدرت |
| جمال تیرا کرشمہ رب کا حسین رنگت عطائے فطرت |
| لبوں کی لالی گلاب جیسی بھنور ذقن کا مکان قدرت |
| کتاب چہرہ گلال چہرہ لبوں کے کونوں پہ خال پہرہ |
| اٹھان شعلہ اٹھان فتنہ بدن کی حدت اٹھانِ قدرت |
| کمان پلکیں، ہلال ابرو، فریب نظریں، مثال نیناں |
| سلیم فطرت، متین عادت چمکتا ماتھا نشانِ قدرت |
| آفتاب شاہ |
معلومات