| تیرا میرا مِلنا مُشکل |
| پُھول کا باغ میں کِھلنا مُشکل |
| سچّا میں اِنسان ہوں لیکن |
| سچّی بات ہے لِکھنا مُشکل |
| اپنے دور کا سورج ہوں مَیں |
| میرا اب ہے ڈھلنا مُشکل |
| جانے کیسا وقت ہے آیا |
| جینا مشکل مرنا مُشکل |
| اپنی اپنی سب کو پڑی ہے |
| اب ہے مِلنا جُلنا مُشکل |
| کِس نے پاؤں باندھ دیئے ہیں |
| کس نے کیا ہے چلنا مُشکل |
| مُڑ مُڑ کر کیوں دیکھ رہے ہو |
| پیچھے اب ہے مُڑنا مُشکل |
| مانی ایسا زخم دیا ہے |
| جِس کا اب ہے سِلنا مُشکِل |
معلومات