| بنتِ زہرا کا لاڈلہ اکبر |
| کربلا کا ہے مصطفی اکبر |
| کوئی بتلائے جائے صغرا کو |
| ہائے مقتل کو چل دیا اکبر |
| کس نے سینے پہ پھول رکھا ہے |
| سینہ سارا ہے چھد گیا اکبر |
| خود ہی آواز دے پدر کو اب |
| تجھ کو بابا ہے ڈھونڈتا اکبر |
| تو جوانی ہے میرے نانا کی |
| تو بتولوں کی ہے حیا اکبر |
| زخم اپنا دکھاؤ بابا کو |
| نیزہ کس جا تجھے لگا اکبر |
| تیری راہوں پہ دید ہے میری |
| تجھ کو صغرا نے ہے لکھا اکبر |
| تب ہی صغرا کا بھی پیام آیا |
| جب تھا نیزوں سے گر گیا اکبر |
| مجھ کو بیٹا نظر نہیں آتا |
| تو ہی اکبر کو دے صدا اکبر |
| آج بھی جاری خون ہے شفقت |
| آج تک ہے تڑپ رہا اکبر |
معلومات