| دلبر حسین تجھ سا، کب تھا نہ ہے نہ ہو گا |
| فخرِ جمال ایسا، کب تھا نہ ہے نہ ہو گا |
| کونین والے لیتے، تجھ سے ہیں روپ شاہا |
| دے تجھ سے دان اعلیٰ، کب تھا نہ ہے نہ ہو گا |
| لیتے ہیں خیر تجھ سے، سلطانِ دہر سارے |
| ایسے خزانے والا، کب تھا نہ ہے نہ ہو گا |
| کھاتے سدا ہیں لے کر، چھوٹے بڑے ہمیشہ |
| قاسم کریم یکتا، کب تھا نہ ہے نہ ہو گا |
| یہ جان چیز کیا ہے، جانِ جہان آقا |
| تجھ سا رحیم مولا، کب تھا نہ ہے نہ ہو گا |
| قادر کریم تیرا، جو چاہے تو، کرے وہ |
| حق کو حبیب تجھ سا، کب تھا نہ ہے نہ ہو گا |
| تاباں ہیں مِہر سے بھی، اوصافِ مصطفائی |
| محمود! غیر اُن سا، کب تھا نہ ہے نہ ہو گا |
معلومات