| اپنا تو مدعا تُم ہو |
| تُمہارا مدعا کون جانے |
| زخمِ دل سے ٹپکتا ہے جو |
| لہو ہے یا سرور کون جانے |
| ادھ کُھلی آنکھوں نے دہلیز چُومی |
| گُلاب ہونٹوں کے انگاروں کی |
| شب بُجھی رفتہ رفتہ |
| کیونکر ہے بُجھی کون جانے |
| فضا آلودہ ہے دُھند سے |
| ارد گرد کُچھ دکھتا نہیں |
| اک وجود اور اُسکی دلرُبائی |
| کیسے دِکھی ہے کون جانے |
| تُجھ سا کوئی نہیں |
| کوئی تُجھ سا بھی کیوں ہوتا |
| روشنی کے اس بیہمانہ قطر میں |
| اک دھبہ کہاں چُھپتا ہے کون جانے |
| داورِ جہاں بتا تو سہی |
| کہاں دفن ہے جُنوں میرا |
| کس وحشت سے جُڑا وجود میرا |
| کس دشت کا صلہ ہوں کون جانے |
| اک ہیولہ پھرتا ہے چار سُو |
| تھام کر میری گردشِ نبض |
| ڈھال دیتا ہے صفحوں پہ رقص |
| لہُو میرا نچوڑ کر، کون جانے |
| نکون جانے کہ ماہِ کامل میں |
| پھڑپھڑاتا ہے سینے میں وحشی کوئی |
| سُلگتی چتا ہے جنون و خرد کی |
| اُس پہ بڑھتی دیوانگی کون جانے |
| پسِ احساس اک شکستہ پائی |
| بکھرتی سانسوں میں ڈھلی جاتی ہے |
| فگار پوروں سے چُنا ہے میں نے |
| کرچیوں میں وجُود اپنا کون جانے |
| فیصل ملک |
معلومات