| جہانوں میں یکتا جمالِ نبی ہے |
| عطا اُس خدا کی کمالِ نبی ہے |
| ملا رتبہ اُن کو عُلیٰ دو جہاں میں |
| بٹے دانِ جن کا سدا ہر زماں میں |
| نبی پاک میرے حبیبِ خدا ہیں |
| جو محبوبِ ہستی خلق میں جُدا ہیں |
| ذکر اُس حسیں کا ملا عام ہر جا |
| عُلیٰ ہر زماں میں ہوا نام جن کا |
| دما دم جہانوں میں حمدِ خدا ہے |
| ثنائے نبی اور صلے علیٰ ہے |
| ہے لطفِ نبی سے ملی جاں جہاں کو |
| روانی اُنہی سے ملی ہر زماں کو |
| ہے زینت خلق کی رسولِ امیں سے |
| مزین جہاں ہے شہے مرسلیں سے |
| چلے نبضِ ہستی ہیں الطافِ دلبر |
| بنائے خدا نے یوں اوصافِ انور |
| ہے افراطِ نعمت سخی دلربا سے |
| یہ احساں خدا کے رسولِ خدا سے |
| کراں دو جہاں کے انہی سے ضیا ہیں |
| سخی جانِ ہستی جو نورِ ہُدیٰ ہیں |
| ملے درجے اونچے رسولِ امیں کو |
| شہے دو جہاں سیدِ مرسلیں کو |
| نبی فخرِ آدم شہے دو سریٰ ہیں |
| ملی اُن کو کوثر مقیمِ دنیٰ ہیں |
| انہی سے مصفیٰ ضمیرِ دہر ہے |
| یہ گردوں میں گردش اُنہی کی نظر ہے |
| ہے محمود ہستی اُنہی سے فروزاں |
| خدا کے جو شہکار کامل ہیں انساں |
معلومات