مرے بھی چند خواب ہیں!

میں جانتا ہوں وہ پلٹ کے آئے گا نہیں

مگر اُسے پکارنا

اُسی کے خواب دیکھنا مجھے پسند ہے

مجھے دھنک کے سات رنگ

کبھی نہیں لُبھا سکے

اِسی دھنک کے درمیاں

کہیں ہے رنگ آٹھواں

اُسی کی بات کرنا اور اسی کے خواب دیکھنا مجھے پسند ہے

میں جانتا ہوں اس کے دل میں میرے واسطے ذرا سی بھی تڑپ نہیں ذرا سا بھی نہیں ہے پیار پھر بھی اس کو چاہنا مجھے پسند ہے

میں جانتا ہوں

وہ کبھی بھی ہم سفر نہیں بنے گا میرا پھر بھی اس کی راہ دیکھنا

مجھے پسند ہے

میں جانتا ہوں وہ مجھے

کبھی نہیں ملے گا پھر بھی اُس کو ڈھونڈنا

اُسی کے خواب دیکھنا

مجھے پسند ہے