| سَبھی مُنافِقوں کو ایسے بے نَقاب کِیا |
| ہر ایک بزم مِیں ذکرِ اَبو تُرابؑ کِیا |
| علیؑ علیؑ کِیا ڈنکے کی چوٹ پر ہم نے |
| ڈَرے نہیں کسی سے, اور نہ اِجْتِناب کِیا |
| علیؑ کا نام پُکارا تھا مَیں نے مشکل مِیں |
| خدا نے پھر مجھے آزادِ پیچ و تاب کِیا |
| علیؑ کے ذِکْر سے ہم نے خدا کو راضی کِیا |
| کرم خدا نے بھی پھر ہم پہ بے حِساب کِیا |
| جہاں کو کیسے سمجھ آئے, رب نے اپنی طرح |
| علیؑ کا مرتبہ بھی شامِلِ حِجاب کِیا |
| علیؑ کا مرتبہ پھر جان پاؤ گے کچھ کچھ |
| پڑھو! غدیر مِیں آقاؐ نے جو خِطاب کِیا |
| اَزل سے مجھ پہ خدا مہربان ہے, کہ مجھے |
| اَزل سے اُس نے غلامِ اَبو تُراب کِیا |
| علی کو ہم نے اِمام اپنا مان کے شاہؔد |
| دُرُسْت, سَچّے عَقیدے کا اِنْتِخاب کِیا |
معلومات