| خاک سے خواب ہم اٹھا لائے |
| درد دل سے بھی ہم چھپا لائے |
| کیا کوئی زندگی کو سمجھائے |
| کوئی اب اور کیا نیا لائے |
| خواب پھر خواب تھے !سو ٹوٹ گئے |
| دل مگر کیسے حوصلہ لائے |
| ہم نے ہر زاویہ بدل دیکھا |
| وہ بھی اب لہجہ دوسرا لائے |
| غل ہے تعبیریں بانٹی جائیں گی |
| خواب آنکھوں میں ہم سجا لائے |
| یہ تو نگری ہے ساری اندھوں کی |
| تم یہاں روشـنی اٹھا لائے |
| عُؔظمیٰ اُس بے مہر زمانے سے |
| دل کی دنیا کو ہم بچا لائے |
| عُؔظمیٰ اعجاز |
معلومات